חברה מושכי ערלים

אין דיזען סעזאן טוה איך פייערן אן אנדענק צו די נס וואס איז געשען צו כלל ישראל ווען די יוונים האבן געמאכט ארדענונג אין לאנד און פארבאטען די פאנאטיקער צו צווינגען דאס פאלק אויף מאדנע און געמיינע ריטואלען. ליידער זענען מיר נישט זוכה בזמן הזה צו אזעלעכע נסים, און מיר זענען געצווינגען זיך צו שעדיגען און צו שניידען אונזער קינדער. אבער עפעס האפענונג איז נאך געבליבן דורך זיך אויס'מל'ען - א פאטענט פון די אידישע מתיוונים וועלעכע ווערט נאך היינטיגע צייטן באניצט דורך די גרעסטע דאקטוירים.

שטודיעס ווייזן אז ס'נישט דא קיין שום פארדינסט פון אראפשניידען די ערלה. ס'טוט נישט פארמיידען עידס, ס'קען נאך זיין גאר פארקערט. אין אמעריקע וואו רוב גוים זענען גע'מל'עט, איז דא פון די מערסטע סעקסואל אנשטעקיגע מחלות.

און לויט ווי ערלים געבן איבער, איז די הנאה פון אן ערל זיבן מאל שטערקער ווי א געשניטענעם. ווי אויך דורך דעם וואס די עטרה רייבט זיך אין די אונטערהויזן א גאנצע טאג, ווערט עס צוגעוואוינט און ס'פארלירט סענסיטיווקייט. אבער ביי ערלים טוט דער ערלה באדעקן און באשיצן די עטרה ווען די אבר איז צאמגעלייגט. דער הנאה קען זיך אומקערן ווען מ'פאררעכט צוריק די ערלה און די עטרה איז פון ס'ניי באשיצט.

צוריקצוציען די מילה (נאטורליך, אנע אפעראציע), קען דאערן אפאר יאר, ס'פארלאנגט זיך אסאך געדולט און חיזוק עס אויסצופיהרן. זיי זאגן אז דאס בעסטע איז אז מ'טוט דאס מיט א חבורה. דערפאר וויל איך זיך דא צאמנעמען מיט נאך מינים, אפיקורסים, און סתם בעלי תאווה, און מיר וועלן אינאיינעם זיך מערל זיין און אראפקוילערען די אידישע חרפה פון אונזער קערפער. יעדער קען בלייבן גענצליך אנאנים און מ'וועט זיך אדורך שמועסן אין די קאמענטארען, רעדן עצות, געלונגענע מיטלן, וכדו', איש את רעהו יעזורו ולאחיו יאמר חזק. און לאמיר האפן אז ביז דריי יאר וועלן מיר אלע זיין ערלים.